МАН-ын 30 дахь их хурлын үдээс өмнөх хуралдаан боллоо. Үдээс хойшхи хуралдааны өмнө УИХ дахь МАН-ын бүлгийн дарга Д.Тогтохсүрэн дараагийн хэлэлцэх асуудлуудыг товц танилцууллаа.

Тэрбээр "Намын их хурлын үдээс өмнөх хуралдаан өндөрлөлөө. Үдээс хойшхи хуралдаанаар гишүүд өглөөний илтгэлүүдтэй холбогдуулан асуулт, хариулт, саналуудаа хэлнэ. Орой гэхэд намын даргаа батламжлах ажлыг хийхээр төлөвлөж байна. Маргааш намын дүрэмд оруулах өөрчлөлт, мөрийн хөтөлбөрийн шинэчлэлийн асуудал, УИХ-ын даргаас тавьж хэлэлцүүлэх Монголын парламентийг төгөлдөршүүлэх илтгэлүүдийг хэлэлцэнэ" гэв.