Засгийн газрын ээлжит хуралдаан өнөөдөр хуралдсан. Хуралдаанаас гарсан шийдвэрийг холбогдох албаныхан танилцууллаа. Мэдээллийн эхэнд Ерөнхий сайдын хэвлэл мэдээллийн төлөөлөгч Ч.Болортуяа "Өвлийн идэш төвлөрсөн мах махан бүтээгдэхүүний худалдааг өнгөрөгч 11 дүгээр сарын 25-наас 12 дугаар сарын 20 хүртэл Төв цэнгэлдэх хүрээлэнд зохион байгуулж байна. Уг арга хэмжээнд 16 аймгийн 200 гаруй иргэн 20 ААН оролцож байгаа. Үнийн хувьд үхрийн мах дунджаар 9000-9500 төгрөг, адуу 7500-8000 төгрөг, хонь 7500-8000 төгрөг, ямаа 6300-6500 төгрөгийн үнэтэй худалдаалагдаж байгаа нь ҮСХ-ны 2021 оны 11 дүгээр сарын үнийн мэдээтэй харьцуулахад 27-40 хувиар бага өртөг юм" гэв.