Угсаатны хөгжим судлалын доктор, Монгол хөөмий судлаач Жоанни Кюртэг Монгол судлалыг хөгжүүлэх, Монголын өв соёлыг түгээн дэлгэрүүлэхэд оруулж буй үнэтэй хувь нэмрийг нь үнэлж, Монгол Улсын Ерөнхийлөгч У.Хүрэлсүхийн зарлигаар төрийн “Найрамдал” медалиар шагнажээ.
Бүгд Найрамдах Франц улсад суугаа элчин сайд У.Нямхүү Парис хотноо энэ сарын 22-ны өдөр түүнд шагналыг нь гардуулав. Соёлын сайд Ч.Номин, Монгол Улсын Ерөнхийлөгчийн соёл, шашны бодлогын зөвлөх Д.Бум-Очир зэрэг албаны хүмүүсээс гадна, Монгол судлаач Франц эрдэмтдийн төлөөлөл, Монгол төрийн одон медаль хүртсэн хүмүүс ёслолд оролцжээ.
