Энэ сарын 4-ны өдөр Буянт-Ухаа хотхоны … байрны шатан дээр 20 орчим хоногтой нярай хүүхдээ үлдээснийг оршин суугчид нь цагдаад мэдэгдэж, улмаар хүүхдийг ЭХЭМҮТ-д хүргэсэн. Улмаар цагдаагийн байгууллагаас эцэг эхийг нь тогтоох ажиллагаа хийж байгаа талаар тухайн үед мэдээлж байв.

Тэгвэл нярайн эцэг эхийг олсон эсэх талаар ХУД-ийн цагдаагийн II хэлтсийн урьдчилан сэргийлэх ажил хариуцсан ахлах мэргэжилтэн, цагдаагийн ахмад Т.Билгүүнээс тодруулахад "Хан-Уул дүүргийн цагдаагийн II хэлтсээс эрэн сурвалжлах шуурхай ажиллагааг тасралтгүй зохион байгуулсны үндсэнд нярайг хаясан эцэг, эхийг олж тогтоолоо. Орхигдсон нярайг Хүүхдийн нэгдсэн сувилалд хүлээлгэн өгсөн" гэв.