Мансууруулах төрлийн бодис хэрэглэсэн байж болзошгүй иргэн тээврийн хэрэгслээ унаж, Сүхбаатарын талбайгаар хөндлөн гарсан хэрэг гарчээ. Тодруулбал, өчигдөр буюу 11 дүгээр сарын 3-нд 41 настай эрэгтэй О нь "Toyota prius" маркийн автомашинтайгаа замын хөдөлгөөний дүрмийг зөрчиж, Сүхбаатарын талбайд зорчих хөдөлгөөн үйлджээ.

Тухайн үед цагдаагийн алба хаагчид тус этгээдийг саатуулсан бөгөөд хэргийг Сүхбаатар дүүрэг дэх цагдаагийн газрын нэгдүгээр хэлтсээс материалжуулан шалгаж эхэлжээ. Эх сурвалжийн мэдээлж буйгаар, иргэн О нь сэтгэцэд нөлөөлөх төрлийн бодис хэрэглэсэн байж болзошгүй байсан байна.