Эрүүл мэндийн яамнаас коронавируст халдварын талаар ээлжит мэдээллээ хийлээ.

Энэ үеэр Эрүүл мэндийн яамны газрын дарга Д.Баярболд "Монгол улс олон улсын судалгааг анхааралтай харж байна. Манай улс 12-18 насны хүүхдүүдээ Файзер вакцинаар дархлаажуулсан. Вакцинд хамрагдсан хүүхдийн өвчлөл харьцангуй бага байгаа.

АНУ-ын хүнс, эмийн агентлагаас 5-11 насны хүүхдэд том хүний тунгийн 3/1 тунгаар тарьж болох заавар гаргасан. Үүнийг манай улс ч анхааралтай ажиглаж байгаа.

Файзер вакцины хадгалалтын хугацааг уртасгасан мэдэгдлийг гаргаж, АНУ-ын FDA, ДЭМБ-д мэдэгдэж, зөвшөөрсөн хариу авсан. 11 дүгээр сараас өмнө үйлдвэрлэсэн Пайзер вакцин нь хадгалалтын сав баглаа, боодол дээр бичигдсэн хугацаанаас гурван сараас уртасган хэрэглэх журам гарсан. Мөн 11 дүгээр сараас хойш үйлдвэрлэх вакцин нь есөн сарын хадгалалтын хугацаатайгаар худалдаанд нийлүүлэгдэхээр болсон" гэлээ.