Ардчилсан намын зүгээс нөхөн сонгуультай холбоотой маргаанаар Сонгуулийн ерөнхий хороог шүүхэд өгчээ. Тухайлбал, Монгол Улсын Ерөнхий сайд Л.Оюун-Эрдэнийг Хэнтий аймагт дугааргүй машинтайгаар нөхөн сонгуулийн сурталчилгааны хугацаа дууссан өдөр мөнгө тарааж явж байсан хэмээх асуудлыг шалгуулах хүсэлтээ энэ оны аравдугаар сарын 9-нд Сонгуулийн ерөнхий хороонд тавьжээ. Гэтэл энэ асуудлыг СЕХ авч хэлэлцээгүй учир АН-ын зүгээс СЕХ-г захиргааны хэргийн шүүхэд өгсөн талаараа мэдэгдлээ.

Энэ талаар АН-ын дэд дарга Ц.Оюундарь "Нөхөн сонгуулийн үр дүнг хүлээн зөвшөөрөхгүй гэдгээ Ардчилсан нам СЕХ-нд илэрийлсэн. Үүний дараагийн ажил болгож СЕХ-г захиргааны хэргийн шүүхэд өгсөн" гэв.