Энэ сарын 13-нд буюу өчигдөр Дорноговь аймгийн цагдаагийн газарт "Дорноговь аймгийн Сайншанд сумын долдугаар багийн нутаг дэвсгэрт БНХАУ-ын 5 иргэн алхаж байна" гэх мэдээлэл иржээ. Мэдээллийн дагуу тухайн газарт очиж шалган гадаадын 5 иргэнийг саатуулж, хууль тогтоомжийн дагуу Гадаадын иргэдийн харьяатын газрын Дорноговь аймаг дахь ахлах мэргэжилтэн, хяналтын улсын байцаагчид хүлээлгэн өгсөн. Улмаар эрх бүхий байгууллага шалтгаан нөхцлийг нарийвчлан тогтоохоор шалгалтын ажиллагаа явуулж байна.

Эх сурвалж: Дорноговь аймгийн цагдаагийн газар