УИХ дахь АН-ын бүлгийн дарга Д.Ганбат мэдээлэл хийж, АН-ын Үндсэн Дүрмийн Хорооны шийдвэрийн дагуу УИХ-ын гишүүн Ц.Тувааныг АН-ын гишүүнээс хасаж, УИХ-ын гишүүн Н.Алтанхуяг, С.Ганбаатар нарыг УИХ дахь АН-ын бүлгээс хассан тухай зарласан билээ.
Энэ тухай УИХ-ын гишүүн Ц.Туваан тайлбар хийв. Тэрбээр, "УИХ дахь нөхөн сонгуулийн нэмэлт санал хураалтыг дуустал хугацааг нь долоо хоног хойшлуулсан. Энэ шийдвэртэй холбоотой байлгүй л гэж бодож байна. Би бол АН-аас УИХ-д сонгогдсон гишүүн. Намдаа байгаа, яахав С.Эрдэнэ намайг олон удаа хөөсөн. Олон ч хөөгдөж байна. АН-ын Үндсэн Дүрмийн Хорооны даргатайгаа би сая ярьсан, ямар ч миний асуудлыг хэлэлцээгүй гэсэн. АН-ын дарга бол О.Цогтгэрэл. АН-ыг хагаралтай харагдуулах сонирхолтой хүн бий. Тэр нь АН-ын өмнөх дарга" гэв