Өнгөрсөн баасан гарагийн орой ШТС-ууд АИ-92 шатахууны үнээ 200 төгрөгөөр нэмэгдүүлсэн. Энэ талаар Аж үйлдвэр, эрдэс баялгийн сайд Ц.Туваан мэдээлэл өгөхдөө "Улс төрийн бужигнаантай үед шатахуун импортлогчид ХҮЛЭЭЦТЭЙ хандаж болох л байсан. Ард түмний сэтгэл санаа, улс төрийн нөхцөл байдал тогтворгүй үед шатахууны үнийн нэмэгдлийг давхцуулах шаардлага байгаагүй" гэсэн юм.