Нийслэлийн мэргэжлийн хяналтын газрын, Байгаль орчин, уул уурхайн хяналтын хэлтсийн дарга Ж.Ганзоригийг АТГ-аас хорьж шалгаж байгаа талаар "Өнөөдөр" сонины өнөөдрийн дугаарт нийтлэгджээ.

Тодруулбал, Ж.Ганзоригийг албан тушаалаа урвуулан ашиглаж аж ахуйн нэгжүүдийг боон дарамталсан хэргээр шалгаж буй. Мөн Богд Хан уулын Арцатын аман дахь эзэмших эрхийнх нь хугацаа дууссан газрыг нэг тэрбум төгрөгөөр нэгэн иргэнд зарж хохироосон хэргээр шалгуулж байгаа ч гэх мэдээлэл байгаа гэжээ. Ж.Ганзоригийг гэм буруутай эсэхийг шүүх хяналтын байгууллага удахгүй шийдэх байх.

Харин үүний араас тус газрын өөр нэг байцаагчийг АТГ-аас шалгаж эхэлсэн хэмээн мэдээлсэн байна.