Цагдаагийн байгууллагын 102 дугаарын утсанд өчигдөр /2021.10.05/ нийт 1987 гомдол мэдээлэл иржээ. Үүнээс зөрчлийн дуудлага мэдээлэл 1592, хулгайтай холбоотой 22, гэр бүлийн хүчирхийллийн дуудлага 152, гэмт хэргийн шинжтэй 81 мэдээлэл ирсэн байна.

Мөн автомашин согтуу жолоодсон 129, олон нийтийн газар зүй бусаар биеэ авч явж, танхайрсан 138, хүний биед халдсан 79, Архидан согтуурахтай тэмцэх тухай хууль зөрчсөн 74 дуудлага бүртгэгдсэн аж. Түүнчлэн өчигдөр буюу 10 дугаар сарын 5-нд 182 иргэнийг эрүүлжүүлэх байранд саатуулжээ. Мөн оршин суугчдын амгалан тайван байдал алдагдуулсан 94 тохиолдол гарчээ.