Эрүүл мэндийн сайд С.Энхболд хүүхдүүдийн халдварын нөхцөл байдлын талаар мэдээллээ.

Тэрбээр "Нийт батлагдсан тохиолдлын 20.1 хувь буюу 57000 гаруй хүүхэд халдвар авсан байна. Энэ бол нийт тоо. Өнөөдрийн байдлаар 3100 хүүхэд эмчлэгдэж байна. 12-оос доош насны хүүхдүүдийн халдварын тохиолдол нэмэгдсэн. Эдгээр хүүхдүүд ахуйн хүрээнд буюу гэр бүлийн гишүүдээсээ халдвар авах нь өндөр байна. Харин сургууль, цэцэрлэгтээ халдвар хамгааллын дэглэмээ бариад 5-9 зарчмаар хичээллэж байгаа" гэв.