УИХ дахь Ардчилсан намын зөвлөлөөс Ерөнхий сайд У.Хүрэлсүхэд шаардлага хүргүүллээ.
Тус шаардлагад дурдсан зарим зүйлийг тоймловол: Covid-19 буюу коронавирус цар тахалаас үүдэж Монгол улсын төсөв, эдийн засагт бодит эрсдэлүүд үүсэх нөхцөл бүрдэж байна. Иймд Улсын Их Хурал дахь Ардчилсан намын зөвлөлөөс засгийн газарт дараах шаардлагыг хэрэгжүүлэхийг шаардаж байна. Үүнд:
- Covid-19 коронавирусний үед эдийн засгийг хамгаалах тусгай хөтөлбөр боловсруулах
- Төсвийн алдагдал бодитоор үүссэн энэ үед нэн яаралтай Монгол улсын 2020 оны төсвийн тухай хуульд өөрчлөлт оруулж зэс, нүүрсний үнийг бодитоор тооцож, биет байдлаар хичнээн хэмжээний нүүрс гаргаж авч чадах тооцоолж төсвийн орлого, зарлагыг дахин тооцох, гадаад худалдааны тооцоог дахин хийх,
- Жижиг дунд бизнес эрхлэгчдийн зээлийн хүүг нэн яаралтай бууруулж, зээлийн хүүгийн эргэн төлөлтийг хойшлуулах
- Засгийн газар Монголбанк хамтран хүн амын орлого болон хэрэглээний багцын хумилтын эсрэг авах арга хэмжээний талаарх саналыг боловсруулж Улсын Их Хуралд яаралтай оруулах
