Засгийн газрын ээлжит хуралдаан болж өндөрлөлөө. Хуралдаанаас гаргасан шийдвэрийн талаар ХХААХҮ-ийн сайд З.Мэндсайхан мэдээлэл өгөв. Тэрбээр "Төв суурин газрын иргэдийн хавар хэрэглэх махны нөөцийг бэлдэхийн тулд 20 орчим мянган тонн мах бэлдэнэ. Мөн Засгийн газраас 100 тэрбум төгрөгийг Арилжааны банкуудаар дамжуулан гурван хувийн хүүтэй зээлийг олгоно. Нийтдээ 17 аж ахуйн нэгж урьдчилсан байдлаар гэрээ хийсэн байна. Тус компаниудын судалгааг арилжааны банкууд хийж байна" гэлээ.
