Рио Тинтогоос Ерөнхий сайдад хүргүүлсэн албан захидлыг ажлын хэсгийн гишүүд Ерөнхий сайд Л.Оюун-Эрдэнэд дэлгэрэнгүй танилцууллаа.

Энэ талаар Хууль зүй дотоод хэргийн сайд Х.Нямбаатар "Өнөөдөр Оюу толгой төслийн гадны хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг Засгийн газрын хуралдаанд танилцуулах үүрэг бүхий ажлын хэсгийг хуралдуулж, Рио Тинто компаниас Ерөнхий сайдад ирүүлсэн албан захидлыг дэлгэрэнгүй танилцууллаа.

Хөрөнгө оруулагч талаас түншлэлээ улам бэхжүүлэх саналыг хүргүүлээд байгаа. Харин ажлын хэсгийн гишүүдийн дийлэнх нь уг асуудалд нухацтай хандах шаардлагатайг онцолж байна. Бид энэ тал дээр дахиж алдаа гаргаж болохгүй" гэв.