Японд өмнө нь Moderna вакцинаас хог гарч байсан түүхтэй.Тодруулбал резинэн бөглөөний хэсэг вакцины шилэнд наалдаж тунадас үүсгэсэн байжээ.
Тэгвэл энэ удаад Файзер вакцины савалгаанаас өөр биетийн хог илэрчээ. Энэ тухай Японы Засгийн газрын төлөөлөгч Кацүнобү Като хэвлэлийн бага хурал дээр зарлажээ.Түүний хэлснээр, Окинава мужийн вакцинжуулалтын цэгд дээрх хэрэг явдал болжээ.
“Эрүүл мэндийн яам Файзер компанид хандсан ба тариурын зүүг буруу цоолсноос резинэн бөглөөний хэсэг вакцины шилэнд унасан гэсэн хариу авлаа” гэж Като хэлжээ.
Эдгээр бохирдол нь эмийн чанарт огт нөлөөлөхгүй гэдгийг үйлдвэрлэгчид үзэж байна.
С.Сувдансондор
