"Ажилд оруулна" хэмээн бусдаас авлига, хээл хахууль авсан байж болзошгүй хэрэгт буруутгагдаад буй ХӨСҮТ-ийн Хүний нөөцийн албаны дарга И.Орхоныг үргэлжлүүлэн нэг сар хорихоор болжээ. Тодруулбал, түүнийг эрх мэдэл, албан тушаалын давуу байдлаа урвуулан ашигласан гэх үндэслэлээр 2021 оны наймдугаар сарын 25-ны шөнө гэрээс нь саатуулж, баривчилсан байдаг.
Сануулахад, ХӨСҮТ-ийн Нэгдсэн лабораторийн дарга С.Энхзаяаг АТГ-аас 48 цаг саатуулсан. Түүнийг албан тушаалаа урвуулж, худалдан авалтын гэрээ байгуулахдаа зарим компанид давуу байдал бий болгосон хэргээр шалгаж буй. Уг мэдээллийг энд дарж уншина уу.
