"Токио 2020" зуны олимпт Монгол улсыг төлөөлөн барилдаж, мөнгөн медаль хүртсэн Саид Моллай Засгийн газарт гомдож, өөрийг нь дэмжихгүй байна хэмээн манай сайтад өгсөн ярилцлагадаа хэлсэн. Уг асуудалд Биеийн тамир спортын газрын дарга Ц.Шаравжамц өөрийн цахим хуудсаараа дамжуулан тайлбар өгсөн юм.

Тэрбээр "Засгийн газрын тогтоол, тэмдэглэл гараад медаль авсан 4 тамирчиндаа дөрвүүлэнд нь байр өгөхөөр болсон. Мөн цол болон нэг удаагийн мөнгөн шагналыг нь өгнө. Саеид Моллай маань Монгол улсын гавъяат тамирчин болж байгааг дуулгахад таатай бна. Энэ сарын хөл хорионы 14 хоногийн хугацааг дуусгаад энэ сарын 25нд Ерөнхийлөгч болон Ерөнхий сайд хүлээн авч шагнал урамшуулалыг олгохоор болсон байгаа шүү. Монгол хүү минь 5хан хоног тэсээрэй" гэжээ.