Токио хотын Yumenoshima Final Field-д өнөөдөр байт харвааны ганцаарчилсан төрлийн хасагдах шатны харваа эхэлсэн. Эрэгтэйчүүдийн 1/32-т 109 дүгээр байн дээр Б.Отгонболд БНХАУ-ын Жиалун Литэй цэц сорьж, 4:6 харьцаагаар ялагдсан юм. Үүнийхээ дараа тэрбээр "Анхны олимп гоё байлаа. Маш тайван харвасан. Салхиа унших тал дээр алдчихлаа. Яг сүүлийн эгзэгтэй мөчид буруу тооцоолол хийгээд алдсан. Сэтгэл зүйн хувьд маш тайван, сандралгүй оролцсон ч салхиа уншиж чадсангүй. Маш том туршлага хуримтлуулсан тэмцээн болж өндөрлөлөө" гэв.
