Амралтын өдрүүдэд хөдөө орон нутаг болон нийслэлд зам тээврийн ослын улмаас 15 иргэн амиа алдсан талаар албаныхан мэдээлсэн.
Тухайлбал, долдугаар сарын 12-нд Баянөлгий аймагт "Ланд-80" тээврийн хэрэгслээр ухрах хөдөлгөөн хийх үедээ долоон настай эрэгтэй И-г дайрч амь насыг нь хохироосон хэрэг гарчээ. Тухайн хэргийн шалгалтын ажиллагааг хийж байгаа аж.
Иймд жолооч та бүхнийг ухрах хөдөлгөөн хийхдээ ойр орчмыг шалгах, анхаарал болгоомжтой хөдөлгөөнд оролцохыг Тээврийн цагдаагийн албанаас анхаарууллаа.
