Эрүүл мэндийн сайд С.Энхболдын тушаалаар өнөөдрөөс эхлэн 12-15 насны хүүхдүүдийг файзер вакцинаар дархлаажуулахаар болсон. Дархлаажуулалтад хамруулахад дараах зүйлсэд анхаарахыг НЭМГ-аас зөвлөлөө.

• Тухайн хүүхдийн эцэг эх, асран хамгаалагчийн зөвшөөрлөөр сайн дурын үндсэн дээр дархлаажуулалтад хамруулна.
• Хүүхдээ дархлаажуулалтад хамруулахыг хүссэн эцэг эх, асран хамгаалагч нь дүүргийнхээ "Файзер" вакцин хийж буй дархлаажуулалтын цэгт хамт очиж зөвшөөрлийн хуудас бөглөх юм.
• Эрүүл мэндийн яамнаас баталсан зөвшөөрлийн хуудсанд вакцины талаарх танилцуулга, хийлгэсний дараа үзүүлэх хариу урвал зэрэг мэдээлэл багтсан бөгөөд тэдгээрээс асууж тодруулах зүйл байвал дархлаажуулалтын эмчээр тайлбарлуулах боломжтой юм.
• Вакцины эхний тунд хамрагдсан хүүхдүүд давтан тунг 21 хоногийн дараа хийлгэнэ.

Сануулахад, Нийслэл хотод 12-15 насны 100 мянга гаруй хүүхэд байдаг аж.