Ямар нэг шалтгаанаар вакцин тариулаагүй байгаа иргэд дархлаажуулалтын цэгт очиж хамрагдаагүй шалтгаанаа танилцуулж, эмчид үзүүлэн өөрт тохирох вакцинаа хийлгэх боломжтой болсон талаар ЭМЯ-аас мэдээлсэн. Ингэхдээ тухайн иргэд Веросэлл, АстраЗеника, Файзер вакцинаас аль нэгийг сонгож тариулах боломжтой юм. Гэхдээ иргэд зөвхөн тухайн вакциныг тарьж буй цэгт очиж дархлаажуулалтад хамрагдах ёстой гэдгийг ЭМЯ-ны хэвлэл, мэдээллийн зөвлөх Б.Ууганбаяр мэдээллээ.

Манай улс зорилтот бүлгийн 2121545 иргэнийг дархлаажуулахаар төлөвлөсөн. Нийт хүн амын 75-80 хувь вакцинд хамрагдах эсвэл бусад байдлаар дархлаа тогтсоны дараа нийтийн дархлаа тогтдог гэдгийг мэргэжилтнүүд онцолж буй. Гэвч манай улсын хувьд нийт хүн амын 50 орчим хувь нь л вакцины бүрэн тунтай байгаа юм. Түүнчлэн жирэмсэн эмэгтэйчүүд, 16,17 настай хүүхдүүдийг вакцинд хамруулж эхэлсэн билээ. Өнөөдрийн байдлаар 1,316 жирэмсэн эмэгтэй, 18,101 хүүхэд вакцины эхний тунг хийлгэсэн байна.