Спутник-V вакцины татан авалтын талаар ЭМЯ-ны Олон нийттэй харилцах зөвлөх Б.Ууганбаяр мэдээлэл өглөө. Тэрбээр "Спутник-V вакцины хоёр дахь тун хэзээ нийлүүлэгдэх нь тодорхойгүй байна. Аль болох шуурхай татан авахаар ГХЯ ажиллаж байгаа. Вакцин ирсэн даруйд ЭМЯ хоёр дахь тунг тарих ажлыг зохион байгуулна. Хоёр дахь тунг эхний тунгаас хойш 21-90 хоногт багтаан хийх бөгөөд 90 хоног руу дөхөх тусам дархлаа тогтоох чадвар өндөр болно гэдгийг үйлдвэрлэгчийн зүгээс мэдээлсэн" гэжээ.
Эхний тунд хамрагдсан хүний тоо 1,894,995, хоёр тун тариулсан хүний тоо 1,657,793 болсон байна.
