Халдварын тохиолдол эрчимтэй нэмэгдэж, өдөр бүртгэгдэх тохиолдлын тоо 2000 давжээ. Мөн эмнэлэгт 9000 гаруй эмчлүүлж байгаа юм. Харин иргэд сүүлийн үед коронавирусийн халдвар авснаа томуугийн ханиадтай андуурч буруу эмчилж, хүндрүүлэх тохиолдол их гарч байгааг ЭМЯ-наас сэрэмжлүүллээ. ЭМЯ-ны Хэвлэлийн төлөөлөгч Б.Ууганбаяр "Хуурай ханиалгах, харшил хөдлөх, хоолой өвдөх, толгой өвдөх, шингэн нус гоожих нь ковидын эхний шинж тэмдэг. Ханиадтай андуураад буруу эмчилж, хүндрэх тохиолдол гарч байна.

Иймд иргэд маш хариуцлагатай байх шаардлагатайг анхааруулж, халдварын шинж тэмдэг илэрсэн тохиолдолд өөрийгөө тусгаарлаж, эрүүл мэндийн байгууллагад хандахыг зөвлөж байна” гэлээ.