Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр яамны хэвлэлийн төлөөлөгч Б.Ууганбаяр дархлаажуулалтынхаа тунд бүрэн хамрагдсан иргэд хөдөө орон нутаг руу явахдаа PCR шинжилгээ өгөхгүйгээр шууд зорчих боломжтой гэдгийг хэллээ.

Мөн коронавирусийн халдвар тусаад эдгэрсэн хүн дөрвөн сар шинжилгээ өгөх шаардлагагүй бөгөөд шууд зорчих боломжтой юм. 05-15 насны хүүхдүүдээс PCR шинжилгээ авахгүй. Хамт яваа хүмүүсийнх нь шинжилгээний хариуд үндэслэн хот хооронд зорчуулна.