Лхагва гарагт усны байгууламжид хяналтын камер байрлуулсны дараа хоёр талын хүмүүс бие бие рүүгээ чулуу шидсэнээр мөргөлдөөн эхэлсэн байна. Энэхүү маргаанаас болж хамгийн багадаа 31 хүний амь үрэгдэж, олон хүн гэмтэж, 10,000 хүнийг нүүлгэн шилжүүлжээ. Хэдийгээр эвлэрлийн гэрээ, цэргээ татан буулгах талаааар талууд тохиролцсон боловч буудлага үргэлжилсээр байгаа аж.
Киргизийн эрүүл мэндийн сайд Ализа Солтонбекова телевизэд мэдээлэхдээ "Мөргөлдөөн пүрэв гарагт эхэлснээс хойш 31 хүний амь үрэгдэж, 150 гаруй хүн шархадсан" гэж мэдэгджээ. Нүүлгэн шилжүүлэлт, хохирогчдын талаарх Киргизийн гаргасан тоо баримтаас харахад нас барагсдын дунд бага насны охин байсан байна.
