БНСУ-ын “GL Rapha” биотехнологийн компанийн охин компани болох “Hankook Korus” ОХУ-ын “Спутник V” вакциныг ирэх тавдугаар сараас үйлдвэрлэж эхэлнэ гэж салбарын эх сурвалжууд мэдээллээ.
Оросын шууд хөрөнгө оруулалтын сантай байгуулсан гэрээний дагуу “Hankook Korus” эхлээд 150 сая тун вакциныг үйлдвэрлэх ажээ. Үлдсэн 500 сая тунг “GL Rapha” компанийн тэргүүлсэн консорциум, Оросын шууд хөрөнгө оруулалтын сангийн гэрээнд заасны дагуу үйлдвэрлэнэ. БНСУ-д үйлдвэрлэсэн бүх вакциныг экспортлох бөгөөд дотоодод хэрэглэхгүй гэдгийг эх сурвалжууд мэдээлжээ.
