БНХАУ “мРНХ” вакцин гарган авчээ

Ангилал
Дэлхий дахинд
Хэзээ
2021/04/14
Унших
0 минут 57 секунд
QR кодыг уншуулж мэдээг утсаараа унших боломжтой.

   Барууны “Pfizer-BioNTech”, “Moderna” вакцинуудтай адил матрицын РНХ /рибонуклейн хүчил/ дээр суурилсан коронавирусний вакцин гарган авах БНХАУ-ын ажилд ахиц дэвшил гарсан байна.

      “ARCoV” хэмээн нэрлэсэн уг вакциныг “Abogen Biosciences”, "Walvax Biotechnology" компаниуд Хятадын Ардын чөлөөлөх армийн Цэргийн шинжлэх ухааны академитай хамтран бүтээжээ.

    Шинэ вакциныг гуравдугаар улиралд их хэмжээгээр үйлдвэрлэхээр төлөвлөж байгаа бөгөөд эхний ээлжинд жилд 120 сая тун үйлдвэрлэнэ. Энэхүү вакциныг үйлдвэрлэх үйлдвэрийг “Walvax Biotechnology” компани баруун өмнөд Юньнань мужид байгуулж байгаа юм. “ARCoV”-ийг  гарган авагчдын ярьж буйгаар, “Pfizer-BioNTech” болон “Moderna”-гийн вакцинуудаас ялгаатай нь тасалгааны температурт долоо хоног хүртэл хадгалахад чанараа алдахгүй гэнэ.

Сэтгэгдэл (0)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!