Дорнод бүсийн гуравдугаар байранд бичигдэж буй Милуаки Бакс долоо дараалан хожоод байна. Мөн тэд сүүлийн 10 тоглолтод 9:1 үзүүлэлттэй байгаа аж. Өнөөдрийн Индианагийн эсрэг тоглолтыг Яннис Антетэкумпо өнжсөн бол Жрү Холидэй улирлын шилдэг тоглолтоо үзүүлэн 28 оноо 14 дамжуулалт, Крис Миддлэтон 25 оноо, Пат Коннатан 20 оноо авчээ.

Харин Индианагаас Домантэс Сабонэс 22 оноо, Даг Макдермот 20 оноо, Карис Левэр 19 оноо авсан байна. Индиана Пейсэрс баг 19:23 амжилттайгаар бүсийнхээ 10 дугаар байранд бичигдэж байна.