Австралид бэлгийн харилцаанд орох хүсэлтэй байгаагаа хоёр талаас баталгаажуулдаг аппликейшн гаргажээ. Шинэ Өмнөд Уэльсийн цагдаагийн комиссар Мик Фуллер энэхүү санааг дэвшүүлсэн бөгөөд иргэдийн эсэргүүцэлтэй тулгарч байгаа аж. Энэхүү аппликейшн нь хүмүүс бэлгийн харьцаанд орохоор харилцан тохиролцсоноо дижитал хэлбэрээр тэмдэглэж авах боломж олгодог байна.

Түүний хэлснээр энэхүү технологийг ашиглан "эерэг зөвшөөрөл" бий болгох гэнэ. Гэвч олон хүмүүс энэхүү саналыг алсын хараагүй, буруугаар ашиглах боломжтой гэж шүүмжилж байна. Үүнийг улсын хараа хяналтанд ашиглаж болох уу гэдэг дээр бас санаа зовж байгаа аж.

Сүүлийн өдрүүдэд Австралид эмэгтэйчүүд бэлгийн хүчирхийлэл, дарамт шахалтын талаархи үндэсний хэлэлцүүлгийг дахин өрнүүлж, улс даяар хэдэн арван мянган хүн эсэргүүцлийн жагсаал хийсэн байна.

Эх сурвалж: BBC