Эрүүл мэндийн яамнаас коронавирусний цаг үеийн мэдээлэл хийж байна. ХӨСҮТ-ийн Тандалт судалгааны албаны дарга Ж.Байгалмаа:

"Өнгөрсөн 24 цагийн хугацаанд нийт 17894 хүнд шинжилгээ хийхэд 128 хүнээс коронавирус илэрлээ. Ингэснээр нийт батлагдсан тохиолдол 3961 болсон бол дотоодод бүртгэгдсэн халдварын тохиолдол 3430 боллоо. Сүүлийн 24 цагт 46 хүн эмчлэгдэж нийт эдгэсэн хүмүүс 3001 боллоо. Халдвар авсан хүмүүсийн 122 нь ойрын хавьтал байна. Таван хүний халдварын эх уурхайг олохоор ажиллаж байна. Өнөөдрийн байдлаар нийт 943 хүн эмчлэгдэж байгаагаас 872 хүний биеийн байдал хөнгөн, 63 хүн хүндэвтэр, 6 хүн хүнд, 2 хүн нэн хүнд байдалтай байна" гэлээ.