Өчигдөр /2021.03.02/ "Юнител” компанийн сүлжээнд асуудал гарсан тул нийт хэрэглэгчдээсээ уучлалт гуйж, албан ёсны мэдэгдэл гаргасан билээ.

Тодруулбал, Тус компанийн зүгээс “Үүрэн холбооны сүлжээнд гэмтэл гарч хэрэглэгчдийн 2G болон 4G сүлжээ доголдоод байна. Компанийн инженер, техникийн ажилтнууд гэмтлийг засварлахаар шуурхай ажиллаж байгаа бөгөөд гэмтэл засагдмагц эргэн мэдээлэх болно. Хэрэглэгч та бүхэнд хүндрэл учруулж буйд хүлцэл өчье” хэмээсэн юм.

Энэхүү байдлыг ашиглан цахим сүлжээнд хуурамч хуудас нээж "Скайтел", “Мобиком” болон “Юнител” компанийн нэрийг ашиглан хошигносон байна. Энэхүү хошигнол хурдацтай тархсан төдийгүй ёс бус үг хэллэг агуулагдаж байсан тул "Скайтел" компанийн зүгээс хуурамч мэдээлэлд итгэхгүй байхыг уриалан мэдэгдэл гаргасан байна.