Коронавирусийн халдвар илэрсэн хүмүүсийн ойрын болон хоёрдогч хавьтлуудыг ажиглан тусгаарлах байранд байрлуулж, 14 хоног тусгаарлаж байсан. Тэгвэл шинэ журам гарчээ. Үүний дагуу ойрын хавьтлуудыг 7 хоног ажиглан тусгаарлах байранд тусгаарлаж, хоёр удаагийн давтан шинжилгээ хийгээд гэрийн тусгаарлалтад гаргах юм байна. Тухайн иргэн өөрийгөө гэртээ 7 хоног тусгаарлах аж.
Тусгаарлах байранд шилжиж буй хүмүүсээс одоогоор ямар нэг төлбөр аваагүй гэдгийг хэллээ.
Мөн хөхүүл хүүхэдтэй хүнээс халдвар илэрсэн тохиолдолд хүүхэдтэй нь хамт тусгаарлахаас өөр аргагүй байгаа бөгөөд тухайн халдвартай ээж нь халдвар хамгаалалын дэглэмээ чанд мөрдөнө. Ингэснээр одоогоор ээжээсээ хүүхэд халдвар авсан тохиолдол гараагүй байгаа аж.
