16 болон 32 настай хоёр эмэгтэйг хөнөөсөн Ц.Дагвадорж нарт холбогдох эрүүгийн хэргийн давж заалдах шатны шүүх хурал өнөөдөр болж шийдвэрээ танилцууллаа. Тодруулбал, анхан шатны шүүхээс Ц.Дагвадоржид оноосон бүх насаар нь хорих ял, хэргийн газар хамт байсан Э.Номин-Эрдэнэ, Э.Ган-Эрдэнэ, Х.Энхсайхан нарт холбогдох хэргийг хэрэгсэхгүй болгож шийдвэрлэснийг хэвээр үлдээлээ.
Тэгвэл 16 настай хохирогч охины ээж Г.Отгонтуяа шүүхийн шийдвэрийн талаар байр сууриа илэрхийлэхдээ Давж заалдах шатны шүүх хэргийг арай том хайрцгаар нь харах байх гэж хүлээж байсан. Маш их ГОМДОЛТОЙ байна. Шүүхийн шийдвэртэй санал нийлэхгүй учраас УДШ-д хандана" гэлээ.
