Нэгэн иргэн дэлгүүрт урдуур нь явж байсан иргэнийг хүзүүдэж, унаган, улмаар шаардлага тавьсан иргэнийг зодож буй бичлэг цахим орчинд цацагдсан.

Тэгвэл энэ талаар цагдаагийн байгууллагаас тодруулахад "Цагдаагийн байгууллагын 102 тусгай дугаарын утсанд 2026.05.06-ны өдөр БГД-н 32 дугаар хороо Дүүхээ худалдааны төв дотор үл таних хүнтэй маргалдаж зодуулсан гэсэн гомдол мэдээлэл ирсэн. Мэдээллийн дагуу шалгахад тус төвийн үйлчилгээний 2 ажилтан, үйлчлүүлэгч иргэн хооронд таарамжгүй харилцаа үүсэж, маргалдан зодолдсон байна. Улмаар 36 настай эрэгтэй Б нь хохирогчийн толгой руу цохиж өшиглөсний улмаас хохирогч ГССҮТ-д эмчилгээ хийлгэж байна.

Уг зодооны улмаас хохирогчдын биед учирсан гэмтлийн зэргээр тогтоолгохоор шинжээч томилсон. Мөрдөн шалгах ажиллагаа үргэлжилж байна" гэлээ.

Харин тус иргэний сэтгэц эрүүл эсэхийг ШШЕГ үзэж дүгнэлт гаргах аж.