Биткойны ханш арилжааны явцад 34.076 мянган ам.долларт хүрч, дээд үзүүлэлтээ шинэчилжээ. “CoinDesk” цахим хуудасны мэдээллээр, энэ нь 6.42 хувиар өссөн үзүүлэлт юм. Мягмар гарагт 33.843 ам.доллароор арилжаалагдаж байсан байна. Өнгөрсөн бямба гарагт биткойны ханш 10 гаруй хувиар өсөж, анх удаа 33 мянган ам.доллар давсан байна.
Биткойн нь блокчейны технологид үндэслэсэн криптовалютын систем бөгөөд энэ системд оролцогч дурын хэрэглэгч биткойн “олборлох” боломжтой. Үүний тулд тооцоолон бодох төхөөрөмжийн тусламжтайгаар блокуудын шинэ сүлжээ бий болгох ёстой. Анх 2008 онд өөрийгөө Satoshi Nakamoto гэж нэрлэсэн нэгэн программ зохиогч энэ системийг гаргажээ. Гэхдээ биткойныг сүүлийн жилүүдэд л түгээмэл ашиглах болсон юм. Биткойны олборлолт нь хязгаарлагдмал бөгөөд одоогийн байдлаар ихэнх хэсгийг “олборлочихсон” байгаа юм.
