Калифорни муж улсад халдварт өвчний нөхцөл байдал хүнд байгаатай холбоотойгоор АНУ-ын Үндэсний урлаг, дуу бичлэгийн академи “Grammy”-н шагнал гардуулах ёслолыг хойшлуулжээ.
Дэлхийн хөгжмийн ертөнцийн хамгийн том шагналд тооцогддог “Grammy”-н 63 дахь удаагийн шагнал гардуулах ёслолыг нэгдүгээр сарын 31-нд хийхээр төлөвлөж байв. Гэсэн ч халдварт өвчний дэгдэлтийн нөхцөл байдал улам хүндэрч байгаатай холбогдуулан наадмыг дор хаяж нэг сараар хойшлуулахаар болжээ. Ёслолыг гуравдугаар сард зохион байгуулахаар төлөвлөж байгаа ч яг хэдэнд болох нь тодорхойгүй байгаа юм.
Шагналд нэр дэвшигчдийн жагсаалтыг өнгөрсөн арваннэгдүгээр сард танилцуулсан. Энэ жагсаалтад “Grammy”-н нийт 10 төрөлд нэр дэвшсэн дуучин Beyonce тэргүүлжээ. Мөн дуучин Дуа Липа, Тейлор Свифт, Родди Рич нар тус бүр 6 төрөлд нэр дэвшсэн байна.
