Нийслэлийн Засаг даргын захирамжийн дагуу скүүтер, мопед, цахилгаан дугуйг 4-р сарын 10 хүртэл замын хөдөлгөөнд оролцохыг хориглодог. Харин өнөөдрөөр энэ хугацаа дуусаж, скүүтер, суррон, мопед зэрэг тээврийн хэрэгслүүд хөдөлгөөнд оролцож эхлэх гэж байна.
Мөн дээрх тээврийн хэрэгслүүдтэй холбоотой зам, тээврийн осол ихээр гардаг тул суррон буюу бартаат замын цахилгаан дугуй унах насны доод хязгаарыг 18 нас байхаар тогтож, сурроныг мотоциклийн ангилалд хамааруулсан.
Ингэснээр:
- Насанд хүрсэн
- А ангиллын үнэмлэхтэй
- Улсын бүртгэлийн дугаартай
- 2 талдаа тольтой
- Хамгаалалтын хувцас хэрэгслээ бүрэн өмссөн жолооч хөдөлгөөнд оролцох эрхтэй болох юм.
