Өнөөдөр УИХ дахь АН-ын бүлгээс Туулын хурдын замын бүтээн байгуулалттай холбоотой хэлэлцүүлгийг зохион байгуулж байна. Энэ үеэр УИХ-ын гишүүн Б.Түвшин "Туул гол дагуух замын төсөл нь 680 гаруй сая ам.долларын өртөгтэй. Гэтэл эдийн засгийн үр ашиг нь тодорхойгүй. Байгаль орчинд сөрөг нөлөө үзүүлэх эрсдэлтэй. Ялангуяа Туул голын урсгал өөрчлөгдөх, ширгэх, үерийн аюул үүсэх зэрэг ноцтой эрсдэл гарахаас сэргийлэх хэрэгтэй. Мөн дэлхийн эдийн засгийн хүндрэлтэй энэ үед ийм хэмжээний зардал гаргах нь зохисгүй" гэв.