Өнөөдөр хуралдсан МАН-ын Бага хурлаар УИХ-ын дарга Н.Учралыг Монгол Улсын 35 дахь Ерөнхий сайдад нэр дэвшүүлэхийг дэмжсэн билээ. Тэгвэл түүнийг УИХ-ын даргаас чөлөөлж, оронд нь томилох хүнийг тодруулах юм.
Тэгвэл маргааш буюу даваа гарагийн 09.00 цагаас ТББХ, 10.00 цагаас УИХ-ын чуулган хуралдаж УИХ-ын даргыг өөрийн хүсэлтээр чөлөөлөх асуудлыг хэлэлцэж шийдвэрлэхээр болжээ.
Мөн эх сурвалжийн мэдээлж буйгаар, үдээс хойш дахин УИХ-ын Төрийн байгуулалтын байнгын хороо, чуулган хуралдаж магадгүй байна.
