Дээд лигийн хагас шигшээ шатанд "Хасын Хүлэгүүд", "Хаан Шонхорууд" багийг цувралын тав дахь тоглолтод буулган авч финалд шалгарлаа. Цувралын тав дахь тоглолтод аваргууд 88:72 харьцаатайгаар хожил байгууллаа. Ингэснээр Хүлэгүүд гурван жил дараалан финалд шалгарч байна. Хагас шигшээ цуврал 4-1 харьцаатайгаар өндөрлөв.
Цувралын тав дахь тоглолтод А.Азбаяр 16 оноо, 16 самбар авч дабл дабл гүйцэтгэв. Харин Б.Барсболд 29 оноо, 13 ашигтай дамжуулалт хийж мөн дабл дабл хийлээ. Мөн Ч.Тэмүүлэн, Э.Түшиг нар тус бүр 11 оноо авч багийн хожилд тус хүргэлээ.
Харин Шонхоруудаас Байрон Уэсли 27, А.Батхуяг 17, Ц.Отгонжаргал 13, О.Өсөхбаяр 10 оноо авсан байна.
