Дээд лигийн хагас шигшээ шатанд "Хасын Хүлэгүүд", "Хаан Шонхорууд" багууд өрсөлдөж байгаа. Хоёр багийн цувралын тав дахь тоглолт өнөөдөр 16:10 цагаас эхэлнэ. Цувралын дөрөв дэх тоглолтод Хасын Хүлэгүүд 87:76 харьцаатайгаар ялалт байгуулж цувралыг 3-1 болгон тэргүүлсэн. Хүлэгүүд өнөөдөр хожил байгуулбал финалд шалгарна. Харин Шонхорууд хожигдол хүлээх эрхгүйгээр тоглолтод оролцоно.

Цувралын дөрөв дэх тоглолтод Хүлэгүүдээс А.Азбаяр 20 оноо, 6-н самбар, Э.Түшиг 17, Ч.Тэмүүлэн 16, Жорди Тшиманга 15 оноо авсан. Харин Шонхоруудаас А.Батхуяг 17, Байрон Уэсли 18, Норвел Пэллэ 15, О.Өсөхбаяр 11 оноо авчээ.