Сагсан бөмбөгийн дээд лигийн хагас шигшээ шатанд "Сэлэнгэ Бодонс", "Эс Жи Эйпс" учраа таараад байгаа. Хоёр багийн цувралын зургаа дахь тоглолтод Бодонс 91:90 харьцаатайгаар ялалт байгуулж цуврал 3-3 боллоо. Ингэснээр цуврал долоо дахь тоглолтод шийдэгдэхээр болж байна. Цувралын долоо дахь тоглолт энэ сарын 29-нд буюу ням гарагт 16:10 цагаас болно.
Жэй Скрабб 33 оноо, 10 самбар авч дабл дабл гүйцэтгэлээ. Д.Казинс, О.Тулга нар тус бүр 11 оноо авлаа. Тоглолтын төгсгөлд Жэй Скрабб довтолж хоёр оноо авч 91:90 болгосон. Харин сүүлийн довтолгоог Эйпс хийсэн ч амжилттай болгож чадалгүй хожигдол хүлээлээ.
Эйпс 2025-2026 оны улирлыг амжилтаараа тэргүүлж эхний шатанд Бродерсыг 4-1 харьцаатайгаар дуусгасан. 3х3 сагсны тамирчдыг эгнээндээ нэгтгэсэн Бодонс тоглолт бүрт сайжирсаар улирлаа амжилттай дуусгаж шигшээд шалгарсан. Тэд эхний шатанд Майнерсыг 4-1 харьцаатайгаар буулгаж авсан.
