Монгол Улсын Засгийн газрын 2026 оны 42 дугаар тогтоолоор Монгол Улсын Төрийн шагналт, яруу найрагч Ринчиний Чойномын мэндэлсний 90 жилийн ойг тэмдэглэн өнгөрүүлэхээр шийдвэрлэсэнтэй холбогдуулан Монгол Улсын Их Хурлын даргын ивээл дор “Залуу нас” анхны бүтээлийн улсын уралдааныг зохион байгуулна.

Уралдааны зорилго нь үндэстний уран зохиолыг төрөл зүйлийн хувьд тэгш хөгжүүлэх, үндэсний өвөрмөц онцлогийг шингээсэн, өнөө үеийн нийгмийн хэрэгцээ шаардлагыг хангасан шинэ бүтээлийг нээх, түгээх, уран зохиолын залуу үеийг нээн таниулах, орчин цагийн шинэ зохиолчдыг дэмжих, боловсруулах, зохиол бүтээлийг сурталчлах, бүтээлч ажлыг хэрэгжүүлэх, хүүхэд залуусын идэвхтэй оролцоог хангах;

Монгол хэл, соёл уламжлалаа эрхэмлэн дээдлэх болсон өнөө цагт уран зохиолоор дамжуулан ирээдүй үеийн боловсрол, ёс суртахууны хүмүүжилд сайн нөлөөтэй төдийгүй уран сайхны сэтгэлгээний хувьд шинэ санааг хөндсөн залуу үеийн шилдэг бүтээлүүдийг тодруулахад оршино.

Уралдаанд оролцогчдын бүтээлийг 2026 оны есдүгээр сарын 4-ний өдрийг хүртэл Боловсролын ерөнхий газарт хүлээн авна.