Засгийн газрын ээлжит хуралдаан боллоо. Хуралдаанаас гарсан шийдвэрийг ЗГ-ын сайд нар танилцууллаа. Энэ үеэр ЗГХЭГ-ын дарга С.Бямбацогт УИХ дахь Ардчилсан намын бүлгээс тавьж буй дэд сайд нарыг чөлөөлөхтэй холбоотой асуудалд мэдээлэл өглөө. Тэрбээр "Дэд сайд нарыг чөлөөлөх асуудал ЗГ-ын эрх зүйн байдлын тухай хуульд өөрчлөлт оруулж байж шийдэгдэнэ. Хууль эрх зүйн орчныг өөрчлөх тал дээр хамтарч ажиллах саналыг АН-д хүргүүлсэн" гэв.