Сагсан бөмбөгийн дээд лигийн хагас шигшээ шатанд "Сэлэнгэ Бодонс", "Эс Жи Эйпс" учраа таараад байгаа. Багуудын цувралын хоёр дахь тоглолт өнөөдөр 19:10 цагаас болно. Цувралын эхний тоглолтод 82:80 харьцаатайгаар Эйпс хожил байгуулсан. Эхний тоглолтод Бодонсын бүрэлдэхүүнд нэгдээд байгаа Д.Казинс бэртлийн улмаас оролцоогүй.

Эхний тоглолтод Эйпсийн Жордан Харрис 21 оноо авч багаа тэргүүлсэн. Мөн таван тоглогч 10-аас дээш оноо авч багийнхаа хожилд тус хүргэсэн. Харин Бодонсоос Жэйден Скраб 28, Э.Дөлгөөн 14, О.Тулга 13 оноо авчээ.

Эйпс эхний шатанд Бродерсыг 4-1 харьцаатайгаар буулган авсан. Харин Бодонс Майнерсыг мөн 4-1 харьцаатайгаар буулган авч хагас шигшээд шалгарсан.