Дээд лигийн плэй-офф цувралын гурав дахь тоглолтууд өнөөдөр болно. Эхний тоглолт “Хасын Хүлэгүүд”, “Дархан Юнайтед” багуудын тоглолтоор эхэлнэ. Аваргууд цувралыг хоёр тэргүүлж байгаа. Эхний тоглолт 85:67, хоёр дахь тоглолт 86:75 харьцаатайгаар дууссан. “Хасын Хүлэгүүд” одоогоор эхний шатанд өрсөлдөгчөө хамгийн олон онооны зөрүүтэй хожиж байгаа багаар нэрлэгдэж байна. Хоёр багийн тоглолт 18:10 цагаас эхэлнэ.

“Би Си Эйч Найтс” баг мөн цувралыг тэргүүлж яваа. Хоёр багийн цуврал тун өрсөлдөөнтэй өрнөж байгаа. Шонхоруудын залуус жижиг алдаануудаа засаж чадвал цувралыг ойртуулах бүрэн боломжтой гэдгээ эхний хоёр тоглолтод харуулсан. Шонхорууд эхний тоглолтод 85:79, хоёр дахь тоглолтод ердөө хагас бөмбөг буюу 81:80 харьцаатайгаар ялагдал хүлээсэн. Хоёр багийн тоглолт 20:40 цагаас эхэлнэ.