УИХ-ын гишүүн П.Сайнзоригийг ТЕГ-ын дарга асан Б.Хурцын хүүтэй зодолдсон гэх мэдээлэл гарсан байдаг. Уг асуудлыг УИХ-ын гишүүн П.Сайнзориг тайлбарлахдаа "Худал мэдээлэл зохион байгуулалттай их цацаж байна. Залуучууд дарвиад л асуудал үүсгэлээ дээ. За яахав дээ гэж бодож байтал зохион байгуулалттай гүтгэлэг яваад байх юм.
Танихгүй залуучууд хоргоогоод дараа нь гэнэт цохиод авсан. Дараа нь Хурцын Тайван, Бямбаа нар байсан гэдгийг мэдлээ. Камерын бичлэг дээр тэгээд тодорхой байгаа дөө. Нэлээн хай болчихсон юм шиг нөхдүүд шиг санагдсан, элдэв зүйл хэрэглэсэн байгаагүй л бол яахав. Хуулийн байгууллага шалгах байх" гэсэн байдаг.
Тэгвэл түүнийг өнгөрсөн лхагва гарагт яллагдагчаар татсан тухай ХЗДХ-ийн сайд Б.Энхбаяр мэдээллээ.
