Монгол Үйлдвэрчний эвлэлийн холбооноос мэдээлэл хийлээ. Тэд өнгөрөгч онд Засгийн газартай хийсэн цалин хөлс нэмэгдүүлэхтэй холбоотой хэлэлцээр биелэхгүй байгаа талаар байр сууриа илэрхийллээ. Энэ үеэр БШУ-ны ҮЭХ-ны дарга З.Цогтгэрэл "ЗГ цалин нэмэхтэй холбоотой хэлэлцээрээр хүлээсэн үүргээ биелүүлэхгүй бол тэмцэл хөдөлгөөнийг үргэлжлүүлнэ. Багш, эмч нар I сарын цалингаа одоо хүртэл аваагүй байна. Зарим багш нараас "Бид цалингаа нэмүүлэх биш харин ч дордуулчихлаа" гэх гомдол ирж байна" гэлээ.